ملخص مشروع قانون الإيجار القديم بعد التعديلات (يونيو 2025)
تمت إحالة مشروع قانون جديد بخصوص "الإيجار القديم" للجان متخصصة بمجلس النواب، لمناقشته وتنظيم العلاقة بين المالك والمستأجر بشكل جديد، وده أبرز ما جاء فيه:
1. تطبيق القانون
يسري على الشقق المؤجرة للسكن، وأيضًا للأشخاص الطبيعيين لغير السكن (زي المحلات).
2. مدة العقود
شقق السكن: تنتهي بعد 7 سنين من سريان القانون.
الأماكن غير السكنية: تنتهي بعد 5 سنين، ما لم يُتفق على إنهائها قبل كده.
3. لجان تقييم المناطق
كل محافظة تشكل لجنة لتقسيم مناطقها (متميزة – متوسطة – اقتصادية)، بناءً على موقعها، المباني، الخدمات، والمرافق.
4. تحديد الإيجار الجديد للسكن
مناطق متميزة: الإيجار يبقى 20 ضعف الحالي، وبحد أدنى 1000 جنيه.
متوسطة: 10 أضعاف، وبحد أدنى 400 جنيه.
اقتصادية: 10 أضعاف، وبحد أدنى 250 جنيه.
لحد ما اللجان تخلص شغلها، كل المستأجرين هيدفعوا 250 جنيه شهريًا، ولو فيه فروق بعدين، تتسدد بالتقسيط.
5. تحديد الإيجار الجديد لغير السكن
الإيجار الجديد يبقى 5 أضعاف القيمة الحالية.
6. زيادة سنوية
الإيجار يزيد كل سنة بنسبة 15%.
7. الإخلاء
المستأجر لازم يخلّي الشقة بعد انتهاء المدة.
وكمان لو سابها مقفولة سنة كاملة، أو لو عنده شقة تانية تنفع نفس الغرض.
لو رفض الإخلاء، المالك له الحق يطرده بحكم من المحكمة.
8. وحدات بديلة من الدولة
الدولة هتتيح وحدات بديلة للإيجار أو التمليك للمستأجرين القدامى (الأصليين أو من امتد ليهم العقد)، بشرط يسلموا الشقة القديمة.
ــــــــــــــــــــــــــــــــــــــــــــــــــ
بقلم: محمد عبدالناصر المحامي
للتواصل/ 0113752261
ولو مهتم بـ: ⚖️ المعرفة القانونية بشكل مبسط وسهل
📚 مقالات وموضوعات قانونية يومية
🧾 نصائح للمواطنين عن حقوقهم وواجباتهم
📅 متابعة أحدث القوانين والتعديلات
يبقى مكانك معانا في القناة 💬
بنقدملك القانون بأسلوب بسيط... يخدمك في حياتك!
✅ تابع دلوقتي قناة "الناصر للمحاماة والاستشارات القانونية" https://whatsapp.com/channel/0029Vb6ToB2GJP8Ev0I3891d
تعليقات
إرسال تعليق